An mga gapong Monreal, minatukdo man sa mga gapo kan Ticao, iyo an
duwang mga tablet nin limestone na igwang laog na mga karakter na
Baybayin. Nadugangan kan mga estudyante kan Eskwelahang Pan-elementarya
nin Rizal sa Isla nin Ticao sa banwaan nin Monreal, Masbate kan
pigtangkas ninda an laboy sa saindang mga sapatos asin tsinelas sa
sarong bakong regular na porma na apog na tablet bago maglaog sa
saindang klasrum, an mga ini ngunyan
pigsaharong sa sarong seksyon kan Nasyunal na Museo. An gabat kan dakula
asin triyangulo na gapo nasa mga 30 kilo, an kapal nasa 11 sentimetro,
54 cm. An laba asin 44 cm. an lakbang. Korteng obal an sarong sadit
kaini asin an kapal nasa 6 cm., 20 cm. an laba asin 18 cm. an lakbang.
Nagsagibo an Nasyunal na Museo nin sarong komperensya nin Baybayin
tanganing maipahiling an mga gapong Monreal sa publiko kan ika-13 kan
Disyembre 2013.
No comments:
Post a Comment